kisi buzurg pahaDi pe tu utarta hai

kisī buzurg pahāḌī pe tū utartā hai

qadīm dasht-e-ġhashī meñ ḳhirām kartā hai

shajar kī chhāl utarte faqīr rone lagā

badan kī khaal udheḌo to phir nikhartā hai

masām chiir ke ugtī hai jism par utran

hamārā zahr ḳhad-o-ḳhāl se utartā hai

uThā hijāb jalā de charāġh ma.abad ke

jahān-e-gard tirā ab qiyām kartā hai

ajiib ḳhaak chamaktī hai apne chehre par

ye aa.ina to hameñ dekh kar sañvartā hai

hamāre jism pe kanda hazār-hā naqshe

hamārī aañkh se har rāsta guzartā hai

kahīñ se harf utartā hai baur kī sūrat

jo mujh se bāñjh daraḳhtoñ kī shāḳheñ bhartā hai

kisi buzurg pahaDi pe tu utarta hai

qadim dasht-e-ghashi mein KHiram karta hai

shajar ki chhaal utarte faqir rone laga

badan ki khaal udheDo to phir nikharta hai

masam chir ke ugti hai jism par utran

hamara zahr KHad-o-KHal se utarta hai

uTha hijab jala de charagh mabad ke

jahan-e-gard tera ab qiyam karta hai

ajib KHak chamakti hai apne chehre par

ye aaina to hamein dekh kar sanwarta hai

hamare jism pe kanda hazar-ha naqshe

hamari aankh se har rasta guzarta hai

kahin se harf utarta hai baur ki surat

jo mujh se banjh daraKHton ki shaKHen bharta hai