kisi charagh ki KHwahish na justuju mujhko

kisī charāġh kī ḳhvāhish na justujū mujh ko

maiñ ḳhud meñ jaltā rahūñ ye hai aarzū mujh ko

ye apnā aap sameTā hai maiñ ne mushkil se

bikhar na jā.ūñ kahīñ is tarah na chhū mujh ko

kisī ko fikr nahīñ thī mere sivā terī

vagar na bhuul na jaatī kabhī kī tū mujh ko

salīb-o-nok-e-sināñ shok ḳhud-sarī hai mirā

Darā rahā hai inhīñ se mirā adū mujh ko

diyā thā izn-e-takallum jise kabhī maiñ ne

sikhā rahā hai vo andāz-e-guftugū mujh ko

kisi charagh ki KHwahish na justuju mujh ko

main KHud mein jalta rahun ye hai aarzu mujh ko

ye apna aap sameTa hai main ne mushkil se

bikhar na jaun kahin is tarah na chhu mujh ko

kisi ko fikr nahin thi mere siwa teri

wagar na bhul na jati kabhi ki tu mujh ko

salib-o-nok-e-sinan shok KHud-sari hai mera

Dara raha hai inhin se mera adu mujh ko

diya tha izn-e-takallum jise kabhi main ne

sikha raha hai wo andaz-e-guftugu mujh ko