aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kisi din to hamara dard-e-dil soz-e-jigar dekho

Safi Aurangabadi

kisi din to hamara dard-e-dil soz-e-jigar dekho

Safi Aurangabadi

MORE BYSafi Aurangabadi

    kisī din to hamārā dard-e-dil soz-e-jigar dekho

    kabhī to bhuul kar aao kabhī to pūchh kar dekho

    na dekho dost ban kar tum to dushman nazar dekho

    ḳhafā ho kar bigaḌ kar ruuTh kar dekho magar dekho

    nahīñ bhartī tabī.at laakh dekho umr-bhar dekho

    ḳhudā shaan hai aise bhī hote haiñ bashar dekho

    kisī ko jab se dekhā hai dikhā.ī kuchh nahīñ detā

    huī merī nazar ko dosto kis nazar dekho

    tarastī haiñ ye āñkheñ dekhne ko dil taḌaptā hai

    ziyāda se ziyāda muḳhtasar se muḳhtasar dekho

    muqaddar se nibhī tum ek goyā bhole-bhāle the

    koī zālim se zālim fitna-gar se fitna-gar dekho

    kahī haiñ ham-nashīno dil-lagī meñ tum ne jo bāteñ

    unheñ sach-much pahuñch jaa.e na ye jhūTī ḳhabar dekho

    phir us par nukta-chīñ hai nukta-dāñ hai shaiḳh logoñ meñ

    anāḌī paḌh rahā hai duḳht-e-raz ko duḳht-e-zar dekho

    koī betāb koī mast koī chup koī hairāñ

    tirī mahfil meñ goyā ik tamāshā hai jidhar dekho

    tumhārī bazm baat insāniyat phir raqīboñ meñ

    bhare haiñ aadmī sūratoñ ke jānvar dekho

    na ho jo banda-parvar bandagī ko bandagī us

    janāb-e-dil ḳhudā ravāq koī aur ghar dekho

    nahīñ az-rū-e-qānūn-e-mohabbat jurm-e-nazzāra

    to phir kyuuñ haiñ janāb-e-dil agar dekho magar dekho

    use dekhā hai jis ke dekhne ko log marte haiñ

    nazar baazū hamārī bhī zarā hadd-e-nazar dekho

    safī' ko shā.irī se mil ga.ī har-dil-azīzī bhī

    daroġh-e-maslahat-āmez bhī hai kyā hunar dekho

    kisi din to hamara dard-e-dil soz-e-jigar dekho

    kabhi to bhul kar aao kabhi to puchh kar dekho

    na dekho dost ban kar tum to dushman ki nazar dekho

    KHafa ho kar bigaD kar ruTh kar dekho magar dekho

    nahin bharti tabiat lakh dekho umr-bhar dekho

    KHuda ki shan hai aise bhi hote hain bashar dekho

    kisi ko jab se dekha hai dikhai kuchh nahin deta

    hui meri nazar ko dosto kis ki nazar dekho

    tarasti hain ye aankhen dekhne ko dil taDapta hai

    ziyaada se ziyaada muKHtasar se muKHtasar dekho

    muqaddar se nibhi tum ek goya bhole-bhaale the

    koi zalim se zalim fitna-gar se fitna-gar dekho

    kahi hain ham-nashino dil-lagi mein tum ne jo baaten

    unhen sach-much pahunch jae na ye jhuTi KHabar dekho

    phir us par nukta-chin hai nukta-dan hai shaiKH logon mein

    anaDi paDh raha hai duKHt-e-raz ko duKHt-e-zar dekho

    koi betab koi mast koi chup koi hairan

    teri mahfil mein goya ek tamasha hai jidhar dekho

    tumhaari bazm baat insaniyat ki phir raqibon mein

    bhare hain aadmi ki suraton ke jaanwar dekho

    na ho jo banda-parwar bandagi ko bandagi us ki

    janab-e-dil KHuda rawaq koi aur ghar dekho

    nahin az-ru-e-qanun-e-mohabbat jurm-e-nazzara

    to phir kyun hain janab-e-dil agar dekho magar dekho

    use dekha hai jis ke dekhne ko log marte hain

    nazar bazu hamari bhi zara hadd-e-nazar dekho

    safi' ko shairi se mil gai har-dil-azizi bhi

    darogh-e-maslahat-amez bhi hai kya hunar dekho

    Source:

    Kulliyat-e-Safi (Pg. 218)

    • Author: Safi Auranjabadi
      • Edition: 2000
      • Publisher: Urdu Acadami Hayderabad
      • Year of Publication: 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now