kisi goshe mein duniya ke makin hote hue bhi

kisī goshe meñ duniyā ke makīñ hote hue bhī

vo mere saath rahtā hai nahīñ hote hue bhī

musalsal āzmā.ish meñ mujhe zālim ne rakkhā

kiyā maiñ ne nahīñ sajda jabīñ hote hue bhī

musalsal mārte rahte haiñ shab-ḳhūñ zehn-o-dil par

azīzāñ raftagāñ zer-e-zamīñ hote hue bhī

guzārī ham ne saarī zindagī ishq-e-butāñ meñ

mukammal us kī vahdat par yaqīñ hote hue bhī

liye phirtā hai qātil haath meñ ḳhanjar barahna

muhayyā pairahan meñ āstīñ hote hue bhī

maiñ zarra ḳhaak kā huuñ vo sitāra āsmāñ kā

vo mujh se duur hai mere qarīñ hote hue bhī

na-jāne kaun sī miTTī kā 'ābid' bhī banā hai

hamesha ḳhush nazar aayā hazīñ hote hue bhī

kisi goshe mein duniya ke makin hote hue bhi

wo mere sath rahta hai nahin hote hue bhi

musalsal aazmaish mein mujhe zalim ne rakkha

kiya main ne nahin sajda jabin hote hue bhi

musalsal marte rahte hain shab-KHun zehn-o-dil par

azizan raftagan zer-e-zamin hote hue bhi

guzari hum ne sari zindagi ishq-e-butan mein

mukammal us ki wahdat par yaqin hote hue bhi

liye phirta hai qatil hath mein KHanjar barahna

muhayya pairahan mein aastin hote hue bhi

main zarra KHak ka hun wo sitara aasman ka

wo mujh se dur hai mere qarin hote hue bhi

na-jaane kaun si miTTi ka 'abid' bhi bana hai

hamesha KHush nazar aaya hazin hote hue bhi