kisi hakim na attar se shifa hogi

kisī hakīm na attār se shifā hogī

visāl-e-husn-e-tarah-dār se shifā hogī

hamāre sar meñ hai saudā-e-vahshat-e-paiham

hameñ jamāl-e-ruḳh-e-yār se shifā hogī

ai teġh-e-chashm-e-sanam kar jigar pe tirchhā vaar

agar huī to usī vaar se shifā hogī

naqāb-e-ruḳh ko dam-e-vasl alvidā.a kahiye

marīz-e-hijr ko dīdār se shifā hogī

davā se baḌh ke davā hai labān-e-surḳh kā lams

qatīl-e-husn ko hathiyār se shifā hogī

dikhāyā jaa.e unheñ aa.ina barā.e shifā

to apne aks-e-sharar-bār se shifā hogī

phir āzmā.eñge ik nusḳha-e-ġhalat 'āsī'

agar na aap ko ash.ār se shifā hogī

kisi hakim na attar se shifa hogi

visal-e-husn-e-tarah-dar se shifa hogi

hamare sar mein hai sauda-e-wahshat-e-paiham

hamein jamal-e-ruKH-e-yar se shifa hogi

ai tegh-e-chashm-e-sanam kar jigar pe tirchha war

agar hui to usi war se shifa hogi

naqab-e-ruKH ko dam-e-wasl alwidaa kahiye

mariz-e-hijr ko didar se shifa hogi

dawa se baDh ke dawa hai laban-e-surKH ka lams

qatil-e-husn ko hathiyar se shifa hogi

dikhaya jae unhen aaina barae shifa

to apne aks-e-sharar-bar se shifa hogi

phir aazmaenge ek nusKHa-e-ghalat 'asi'

agar na aap ko ashaar se shifa hogi