kisi ka koi Thikana hai koi Thor bhi hai

Shaz Tamkanat

kisi ka koi Thikana hai koi Thor bhi hai

Shaz Tamkanat

MORE BYShaz Tamkanat

    kisī koī Thikāna hai koī Thor bhī hai

    ye zindagī hai kahīñ is or-chhor bhī hai

    jhulā rahā hai ye gahvāra kaun sadiyoñ se

    are kisī ne ye dekhā ki koī Dor bhī hai

    har aadmī hai yahāñ jabr-o-iḳhtiyār ke saath

    magar ye dekh kisī kisī pe zor bhī hai

    sunegā koī to phir kuchh use sunā.ī na de

    ki har sukūt ke parde meñ ek shor bhī hai

    vo husn ishq-sifat hai vo ishq husn-numā

    vo merā chāñd bhī hai vo mirā chakor bhī hai

    shikār kar ki diloñ ki sunahre jañgal meñ

    zarūr raqs meñ badmast koī mor bhī hai

    hazār jaan se ham ek haiñ ye sach hai 'shāz'

    rivāj-o-rasm lekin diloñ meñ chor bhī hai

    kisi ka koi Thikana hai koi Thor bhi hai

    ye zindagi hai kahin is ka or-chhor bhi hai

    jhula raha hai ye gahwara kaun sadiyon se

    are kisi ne ye dekha ki koi Dor bhi hai

    har aadmi hai yahan jabr-o-iKHtiyar ke sath

    magar ye dekh kisi ka kisi pe zor bhi hai

    sunega koi to phir kuchh use sunai na de

    ki har sukut ke parde mein ek shor bhi hai

    wo husn ishq-sifat hai wo ishq husn-numa

    wo mera chand bhi hai wo mera chakor bhi hai

    shikar kar ki dilon ki sunahre jangal mein

    zarur raqs mein badmast koi mor bhi hai

    hazar jaan se hum ek hain ye sach hai 'shaz'

    riwaj-o-rasm ka lekin dilon mein chor bhi hai

    Source:

    • Book : Kulliyat-e-Shaz Tamkanat (Pg. 471)
    • Author : Shaz Tamkanat
    • Publication : Educational Publishing House (2004)
    • Edition : 2004
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY