kisi ka tha wo fusun jo kiya kiya maine

kisī kā thā vo fusūñ jo kiyā kiyā maiñ ne

vo hosh thā ki junūñ jo kiyā kiyā maiñ ne

jo ho chukā vahī kaafī hai dil dukhāne ko

ab aur kuchh na karūñ jo kiyā kiyā maiñ ne

mire vajūd meñ shāmil rahe haiñ kitne vajūd

to phir ye kaise kahūñ jo kiyā kiyā maiñ ne

har ik savāl pe kitnoñ ke naam nikleñge

koī javāb na duuñ jo kiyā kiyā maiñ ne

bahut aziim hai dushman karegā kaun yaqīn

kisī kā naam na luuñ jo kiyā kiyā maiñ ne

ḳhudā kā shukr na bandoñ kā shukriya vājib

isī fareb meñ huuñ jo kiyā kiyā maiñ ne

kisi ka tha wo fusun jo kiya kiya main ne

wo hosh tha ki junun jo kiya kiya main ne

jo ho chuka wahi kafi hai dil dukhane ko

ab aur kuchh na karun jo kiya kiya main ne

mere wajud mein shamil rahe hain kitne wajud

to phir ye kaise kahun jo kiya kiya main ne

har ek sawal pe kitnon ke nam niklenge

koi jawab na dun jo kiya kiya main ne

bahut azim hai dushman karega kaun yaqin

kisi ka nam na lun jo kiya kiya main ne

KHuda ka shukr na bandon ka shukriya wajib

isi fareb mein hun jo kiya kiya main ne