kisi ka zaKHm de kar muskurana yaad aata hai

kisī kā zaḳhm de kar muskurānā yaad aatā hai

kisī kā us pe phir marham lagānā yaad aatā hai

zamīñ pe bikhre phūloñ ko kabhī jab maiñ uThātī huuñ

kisī kā toḌ kar dil chhoḌ jaanā yaad aatā hai

ulajh kar kaam meñ jab bhuul jaatī huuñ maiñ ḳhud ko tab

vo maañ kā duudh aur roTī khilānā yaad aatā hai

mujhe yaad aatī hai aksar kaḌī vo dhuup bachpan kī

vo nanhe hāthoñ se kachrā uThānā yaad aatā hai

bharī bārish meñ chhappar se Tapaktā ḳhuub jab paanī

vo āñchal meñ hameñ maañ kā chhupānā yaad aatā hai

saḌak par jab bhī dekhūñ maiñ koī sotā huā bachcha

mujhe apnā anāthālye meñ jaanā yaad aatā hai

merī tanhā.iyāñ jab jab pareshāñ mujh ko kartī haiñ

mujhe tab tab merā vo dil lagānā yaad aatā hai

kisi ka zaKHm de kar muskurana yaad aata hai

kisi ka us pe phir marham lagana yaad aata hai

zamin pe bikhre phulon ko kabhi jab main uThati hun

kisi ka toD kar dil chhoD jaana yaad aata hai

ulajh kar kaam mein jab bhul jati hun main KHud ko tab

wo man ka dudh aur roTi khilana yaad aata hai

mujhe yaad aati hai aksar kaDi wo dhup bachpan ki

wo nanhe hathon se kachra uThana yaad aata hai

bhari barish mein chhappar se Tapakta KHub jab pani

wo aanchal mein hamein man ka chhupana yaad aata hai

saDak par jab bhi dekhun main koi sota hua bachcha

mujhe apna anathaalye mein jaana yaad aata hai

meri tanhaiyan jab jab pareshan mujh ko karti hain

mujhe tab tab mera wo dil lagana yaad aata hai