kisi ke KHwab se baqi na bedari se qaem hai

kisī ke ḳhvāb se baaqī na bedārī se qaa.em hai

jahān-e-dard bas merī adā-kārī se qaa.em hai

zabāñ se kuchh nahīñ kahte so dil ko haul aatā hai

ki ye shahr-e-havas kis kī dil-āzārī se qaa.em hai

jahāñ meñ be-hunar logoñ ko koī kaise samjhā.e

ki ye duniyā abhī tak kār-e-be-kārī se qaa.em hai

ḳhizāñ ke giit to ham log kab se gaate aa.e haiñ

fanā kā ḳhauf phir kis kī jahāñ-dārī se qaa.em hai

ruḳh-e-mahtāb se kuchh bhī ayaañ hotā rahe lekin

ye kārobār-e-duniyā sirf ayyārī se qaa.em hai

kisi ke KHwab se baqi na bedari se qaem hai

jahan-e-dard bas meri ada-kari se qaem hai

zaban se kuchh nahin kahte so dil ko haul aata hai

ki ye shahr-e-hawas kis ki dil-azari se qaem hai

jahan mein be-hunar logon ko koi kaise samjhae

ki ye duniya abhi tak kar-e-be-kari se qaem hai

KHizan ke git to hum log kab se gate aae hain

fana ka KHauf phir kis ki jahan-dari se qaem hai

ruKH-e-mahtab se kuchh bhi ayan hota rahe lekin

ye karobar-e-duniya sirf ayyari se qaem hai