kisi ke wada-e-farda mein gum hai intizar ab bhi

kisī ke vāda-e-fardā meñ gum hai intizār ab bhī

ḳhudā jaane hai kyuuñ ik be-vafā par e.atibār ab bhī

kabhī kī thī tamannā lāla-o-gul kī nigāhoñ ne

rulātī hai lahū ke rañg meñ fasl-e-bahār ab bhī

tire qaul-o-amal meñ farq miltā hai mujhe zāhid

zabāñ par lafz-e-tauba hai nigah meñ hai ḳhumār ab bhī

ḳhizāñ ke ba.ad is ummīd par gulshan nahīñ chhoḌā

ye mumkin hai ki chal jaa.e havā-e-ḳhush-gavār ab bhī

hamāre dil ko jis ne shams' vīrānī ināyat kī

usī ko yaad kartī hai nigāh-e-be-qarār ab bhī

kisi ke wada-e-farda mein gum hai intizar ab bhi

KHuda jaane hai kyun ek be-wafa par eatibar ab bhi

kabhi ki thi tamanna lala-o-gul ki nigahon ne

rulati hai lahu ke rang mein fasl-e-bahaar ab bhi

tere qaul-o-amal mein farq milta hai mujhe zahid

zaban par lafz-e-tauba hai nigah mein hai KHumar ab bhi

KHizan ke baad is ummid par gulshan nahin chhoDa

ye mumkin hai ki chal jae hawa-e-KHush-gawar ab bhi

hamare dil ko jis ne shams' virani inayat ki

usi ko yaad karti hai nigah-e-be-qarar ab bhi