kisi ke zaKHm par ashkon ka phaha rakh diya jae

Raza Mauranvi

kisi ke zaKHm par ashkon ka phaha rakh diya jae

Raza Mauranvi

MORE BYRaza Mauranvi

    kisī ke zaḳhm par ashkoñ phāhā rakh diyā jaa.e

    chalo sūraj ke sar par thoḌā saaya rakh diyā jaa.e

    mire mālik sar-e-shāḳh-e-shajar ik phuul mānind

    mirī be-dāġh peshānī pe sajda rakh diyā jaa.e

    gunahgāroñ ne sochā hai musalsal nekiyāñ kar ke

    shab-e-zulmat ke siine par ujālā rakh diyā jaa.e

    tan-e-be-sar huuñ mere saa.e meñ ab kaun baiThegā

    daraḳhtoñ meñ mire hisse saaya rakh diyā jaa.e

    bulāte haiñ hameñ mehnat-kashoñ ke haath ke chhāle

    chalo muhtāj ke muñh meñ nivāla rakh diyā jaa.e

    duā.eñ māñgte haiñ vo hamāre rizq ḳhātir

    faqīroñ ke liye thoḌā aaTā rakh diyā jaa.e

    mujhe chalne nahīñ deñge ye mere paañv ke chhāle

    mire talvoñ ke nīche koī kāñTā rakh diyā jaa.e

    rivājoñ vo kasrat hai ki dam ghuTne lagā apnā

    uThā kar ab 'razā' pārīna qissa rakh diyā jaa.e

    kisi ke zaKHm par ashkon ka phaha rakh diya jae

    chalo suraj ke sar par thoDa saya rakh diya jae

    mere malik sar-e-shaKH-e-shajar ek phul ki manind

    meri be-dagh peshani pe sajda rakh diya jae

    gunahgaron ne socha hai musalsal nekiyan kar ke

    shab-e-zulmat ke sine par ujala rakh diya jae

    tan-e-be-sar hun mere sae mein ab kaun baiThega

    daraKHton mein mere hisse ka saya rakh diya jae

    bulate hain hamein mehnat-kashon ke hath ke chhaale

    chalo muhtaj ke munh mein niwala rakh diya jae

    duaen mangte hain wo hamare rizq ki KHatir

    faqiron ke liye thoDa sa aaTa rakh diya jae

    mujhe chalne nahin denge ye mere panw ke chhaale

    mere talwon ke niche koi kanTa rakh diya jae

    riwajon ki wo kasrat hai ki dam ghuTne laga apna

    uTha kar ab 'raza' parina qissa rakh diya jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY