kisi ki chah mein had se guzar gae hote

kisī kī chaah meñ had se guzar ga.e hote

to naam saare zamāne meñ kar ga.e hote

hamārī pyaas kī rakh lī hai laaj sahrā ne

samundaroñ ke sahāre to mar ga.e hote

jo mere siina pe hañs ke vo haath rakh dete

to zaḳhm dil ke sabhī mere bhar ga.e hote

kisī kī yaad ne ham ko sañbhāl rakhā hai

vagarna hijr meñ kab ke hī mar ga.e hote

tumhārī yādoñ ke saare hī rang pakke haiñ

jo hote kachche to kab ke utar ga.e hote

hameñ to maañ kī du'āoñ kā hī sahārā hai

nahīñ to sahrā meñ 'sābir' bikhar ga.e hote

kisi ki chah mein had se guzar gae hote

to nam sare zamane mein kar gae hote

hamari pyas ki rakh li hai laj sahra ne

samundaron ke sahaare to mar gae hote

jo mere sina pe hans ke wo hath rakh dete

to zaKHm dil ke sabhi mere bhar gae hote

kisi ki yaad ne hum ko sanbhaal rakha hai

wagarna hijr mein kab ke hi mar gae hote

tumhaari yaadon ke sare hi rang pakke hain

jo hote kachche to kab ke utar gae hote

hamein to man ki du'aon ka hi sahaara hai

nahin to sahra mein 'sabir' bikhar gae hote