kisi ki chahat kisi se baDh kar hamare jaise samajh rahe hain

kisī kī chāhat kisī se baḌh kar hamāre jaise samajh rahe haiñ

huā samundar meñ jazb dariyā kyoñ ishq vaale samajh rahe haiñ

ġham-e-mohabbat taḌap udāsī ko aap sachche samajh na paa.e

hamārī hālat hamāre jaise kuchh ek jhūTe samajh rahe haiñ

ye mas.ala bhī hamārī jānib jahāñ se dīgar hī pesh aayā

vo ishq ham se kareñge rishta nahīñ kareñge samajh rahe haiñ

vo bad-havāsī meñ chīḳhte haiñ nahīñ mohabbat nahīñ hai tum se

yaqīñ hameñ is tarah se aa hī gayā ho jaise samajh rahe haiñ

jahāñ kī mahfil meñ apnī qīmat hai jaise sahrā meñ koī dariyā

to jin ko qīmat nahīñ hai ham ko vo ret saare samajh rahe haiñ

uThā rahe haiñ tumhāre misre sunā rahe haiñ ġhazal tumhārī

tumheñ samajhnā thā qismat-e-bad hai kaise kaise samajh rahe haiñ

kisi ki chahat kisi se baDh kar hamare jaise samajh rahe hain

hua samundar mein jazb dariya kyon ishq wale samajh rahe hain

gham-e-mohabbat taDap udasi ko aap sachche samajh na pae

hamari haalat hamare jaise kuchh ek jhuTe samajh rahe hain

ye masala bhi hamari jaanib jahan se digar hi pesh aaya

wo ishq hum se karenge rishta nahin karenge samajh rahe hain

wo bad-hawasi mein chiKHte hain nahin mohabbat nahin hai tum se

yaqin hamein is tarah se aa hi gaya ho jaise samajh rahe hain

jahan ki mahfil mein apni qimat hai jaise sahra mein koi dariya

to jin ko qimat nahin hai hum ko wo ret sare samajh rahe hain

uTha rahe hain tumhaare misre suna rahe hain ghazal tumhaari

tumhein samajhna tha qismat-e-bad hai kaise kaise samajh rahe hain