kisi ki yaad-e-rangin mein hai ye dil be-qarar ab tak

Zahiir Ahmad Taaj

kisi ki yaad-e-rangin mein hai ye dil be-qarar ab tak

Zahiir Ahmad Taaj

MORE BYZahiir Ahmad Taaj

    kisī yād-e-rañgīñ meñ hai ye dil be-qarār ab tak

    rahīn-e-shauq be-pāyāñ hai chashm-e-intizār ab tak

    unheñ apnā batātā hai unheñ apnā samajhtā hai

    fareb-e-zindagī hai ye dil-e-dīvāna-vār ab tak

    jinheñ ehsās bhī shāyad na ho jazbāt-e-ulfat

    ye merā saada dil un par hai sau jaañ se nisār ab tak

    nahīñ mumkin ki sahrā ko bhulā duuñ lutf-e-manzil meñ

    mire paañv ke talve meñ chubhī hai nok-e-ḳhār ab tak

    mujhe ādāb-e-ulfat yaad haiñ hañgām-e-vahshat ke

    garebāñ chaak hai dāman hai apnā taar taar ab tak

    judā un se huā huuñ jurm-e-iz.hār-e-mohabbat meñ

    maiñ ik harf-e-tamannā par huuñ yaaro sogvār ab tak

    chaman meñ sair-e-gul vo aur maiñ ai 'tāj' kyā din the

    bahāreñ aa.iiñ aane ko na aa.ī vo bahār ab tak

    kisi ki yaad-e-rangin mein hai ye dil be-qarar ab tak

    rahin-e-shauq be-payan hai chashm-e-intizar ab tak

    unhen apna batata hai unhen apna samajhta hai

    fareb-e-zindagi hai ye dil-e-diwana-war ab tak

    jinhen ehsas bhi shayad na ho jazbaat-e-ulfat ka

    ye mera sada dil un par hai sau jaan se nisar ab tak

    nahin mumkin ki sahra ko bhula dun lutf-e-manzil mein

    mere panw ke talwe mein chubhi hai nok-e-KHar ab tak

    mujhe aadab-e-ulfat yaad hain hangam-e-wahshat ke

    gareban chaak hai daman hai apna tar tar ab tak

    juda un se hua hun jurm-e-izhaar-e-mohabbat mein

    main ek harf-e-tamanna par hun yaro sogwar ab tak

    chaman mein sair-e-gul wo aur main ai 'taj' kya din the

    bahaaren aain aane ko na aai wo bahaar ab tak

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY