kisi ki yaad ko hum zist ka hasil samajhte hain
![Tilok Chand Mahroom Tilok Chand Mahroom](https://rekhta.pc.cdn.bitgravity.com/Images/Shayar/round/tilok-chand-mahroom.png)
kisi ki yaad ko hum zist ka hasil samajhte hain
Tilok Chand Mahroom
MORE BYTilok Chand Mahroom
kisī kī yaad ko ham ziist kā hāsil samajhte haiñ
usī ko rāhat-e-jāñ aur sukūn-e-dil samajhte haiñ
sahārā hai kahāñ yā-rab tire kashtī-shikastoñ kā
nikal aatī hai mauj āḳhir jise sāhil samajhte haiñ
dil-e-ġham-dīda rotā hai tirī sahrā-navardī par
magar ai qais ham lailā ko bhī mahmil samajhte haiñ
ye hai daur-e-haqā.eq sehr-o-afsūñ ho ga.e bātil
magar kam haiñ jo sehr-e-husn ko bātil samajhte haiñ
kahāñ zarra kahāñ ḳhurshīd ḳhush-fahmī hai ye apnī
ki ḳhud ko jalva-gāh-e-dost ke qābil samajhte haiñ
adam hai ik nafas kā fāsla hastī se lekin ham
vo ġhāfil haiñ ki is ko duur kī manzil samajhte haiñ
kabhī 'mahrūm' ham bhī zindagī par jaan dete the
magar ab maut se is ko sivā mushkil samajhte haiñ
kisi ki yaad ko hum zist ka hasil samajhte hain
usi ko rahat-e-jaan aur sukun-e-dil samajhte hain
sahaara hai kahan ya-rab tere kashti-shikaston ka
nikal aati hai mauj aaKHir jise sahil samajhte hain
dil-e-gham-dida rota hai teri sahra-nawardi par
magar ai qais hum laila ko bhi mahmil samajhte hain
ye hai daur-e-haqaeq sehr-o-afsun ho gae baatil
magar kam hain jo sehr-e-husn ko baatil samajhte hain
kahan zarra kahan KHurshid KHush-fahmi hai ye apni
ki KHud ko jalwa-gah-e-dost ke qabil samajhte hain
adam hai ek nafas ka fasla hasti se lekin hum
wo ghafil hain ki is ko dur ki manzil samajhte hain
kabhi 'mahrum' hum bhi zindagi par jaan dete the
magar ab maut se is ko siwa mushkil samajhte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.