kisi ki yaad rulae to kya kiya jae

Afzal Allahabadi

kisi ki yaad rulae to kya kiya jae

Afzal Allahabadi

MORE BYAfzal Allahabadi

    kisī yaad rulā.e to kyā kiyā jaa.e

    shab-e-firāq satā.e to kyā kiyā jaa.e

    jo rafta rafta ġham-e-intizār dīmak

    mire vajūd ko khaa.e to kyā kiyā jaa.e

    shab-e-firāq ho ho visāl mausam

    ye dil sukūn na paa.e to kyā kiyā jaa.e

    dikhā ke chāñd chehra vo husn paikar

    asiir apnā banā.e to kyā kiyā jaa.e

    sharāb-noshī se maiñ duur bhāgtā huuñ magar

    koī nazar se bhulā.e to kyā kiyā jaa.e

    mire ilaaj ko kitne tabīb aa.e magar

    davā bhī dard baḌhā.e to kyā kiyā jaa.e

    sukūn miltā hai jis nigāh se 'afzal'

    vahī nigāh churā.e to kyā kiyā jaa.e

    kisi ki yaad rulae to kya kiya jae

    shab-e-firaq satae to kya kiya jae

    jo rafta rafta gham-e-intizar ki dimak

    mere wajud ko khae to kya kiya jae

    shab-e-firaq ho ya ho visal ka mausam

    ye dil sukun na pae to kya kiya jae

    dikha ke chand sa chehra wo husn ka paikar

    asir apna banae to kya kiya jae

    sharab-noshi se main dur bhagta hun magar

    koi nazar se bhulae to kya kiya jae

    mere ilaj ko kitne tabib aae magar

    dawa bhi dard baDhae to kya kiya jae

    sukun milta hai jis ki nigah se 'afzal'

    wahi nigah churae to kya kiya jae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY