kisi manzar ke pas-manzar mein ja kar
kisī manzar ke pas-manzar meñ jā kar
chalo dekheñ kisī patthar meñ jā kar
ghane jañgal ne mujh par raaz kholā
nikal jaatā hai har Dar Dar meñ jā kar
ḳhud apnī zaat ho jaatī hai ma.adūm
ḳhud apnī zaat ke jauhar meñ jā kar
mire dil kī tamannā ban gayā hai
vo chehra merī chashm-e-tar meñ jā kar
simaT jaate haiñ mere saath mujh meñ
mire paañv mirī chādar meñ jā kar
tahayyur-ḳhez thī us kī fasāhat
vo jab bhī chup huā mimbar meñ jā kar
ye zinda shahr hai to kaise 'zāhid'
maiñ mar jaatā huuñ apne ghar meñ jā kar
kisi manzar ke pas-manzar mein ja kar
chalo dekhen kisi patthar mein ja kar
ghane jangal ne mujh par raaz khola
nikal jata hai har Dar Dar mein ja kar
KHud apni zat ho jati hai madum
KHud apni zat ke jauhar mein ja kar
mere dil ki tamanna ban gaya hai
wo chehra meri chashm-e-tar mein ja kar
simaT jate hain mere sath mujh mein
mere panw meri chadar mein ja kar
tahayyur-KHez thi us ki fasahat
wo jab bhi chup hua mimbar mein ja kar
ye zinda shahr hai to kaise 'zahid'
main mar jata hun apne ghar mein ja kar
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
