kisi ne pakDa daman aur kisi ne aastin pakDi

kisī ne pakḌā dāman aur kisī ne āstīñ pakḌī

na uTThā maiñ hī us kūche se ye maiñ ne zamīñ pakḌī

ḳhudā shāhid hai dil par choT sī ik lag ga.ī mere

bahānā dard-e-sar kā kar ke jab us ne jabīñ pakḌī

sivā un ke na kahnā aur se aafat na kuchh aa.e

na jaane baat merī qāsidā shāyad kahīñ pakḌī

bhalā ab mujh se chhuTtā hai kahīñ us shoḳh kā chaskā

ye kyā hai chheḌ merī har ghaḌī kī ham-nashīñ pakḌī

ġhazab haiñ aap bhī maiñ ne to tum se kaan pakḌā hai

huā jab kuchh maiñ kahne ko zabāñ merī vahīñ pakḌī

ye qismat vasl kī shab sub.h tak takrār meñ guzrī

idhar kuchh maiñ ne zid pakḌī udhar us ne ''nahīñ'' pakḌī

mujhe Dasvāo ik mār-e-siyah se ye sazā diije

jafā kī apne sāhib kī jo zulf-e-ambarīñ pakḌī

ḳhudā ke fazl se aisī tabī.at hai 'nizām' apnī

ġhazal dam meñ kahī fazl-e-ḳhudā se jo zamīñ pakḌī

kisi ne pakDa daman aur kisi ne aastin pakDi

na uTTha main hi us kuche se ye main ne zamin pakDi

KHuda shahid hai dil par choT si ek lag gai mere

bahana dard-e-sar ka kar ke jab us ne jabin pakDi

siwa un ke na kahna aur se aafat na kuchh aae

na jaane baat meri qasida shayad kahin pakDi

bhala ab mujh se chhuTta hai kahin us shoKH ka chaska

ye kya hai chheD meri har ghaDi ki ham-nashin pakDi

ghazab hain aap bhi main ne to tum se kan pakDa hai

hua jab kuchh main kahne ko zaban meri wahin pakDi

ye qismat wasl ki shab subh tak takrar mein guzri

idhar kuchh main ne zid pakDi udhar us ne nahin pakDi

mujhe Daswao ek mar-e-siyah se ye saza dije

jafa ki apne sahib ki jo zulf-e-ambarin pakDi

KHuda ke fazl se aisi tabiat hai 'nizam' apni

ghazal dam mein kahi fazl-e-KHuda se jo zamin pakDi