کسی پرندے کی واپسی کا سفر مری خاک میں ملے گا
کسی پرندے کی واپسی کا سفر مری خاک میں ملے گا
میں چپ رہوں گا شجر کی صورت شجر مری خاک میں ملے گا
اداس آنکھیں سلگتے چہروں کی مجھ کو آواز دے رہی ہیں
کبھی جو آباد رہ چکا ہے وہ گھر مری خاک میں ملے گا
لہو کی بارش میں زرد پھولوں کی پتیوں سے لکھا گیا ہوں
میں لفظ کا ذائقہ زباں پر اثر مری خاک میں ملے گا
دیار شب کے بھٹکتے راہی شکار تشکیک و کم نگاہی
الاؤ روشن کہیں جو کر دے شرر مری خاک میں ملے گا
ازل سے سورج ابد میں تلاش جس کو کرتا ہوا گیا ہے
صدف زمیں ہے تو زندگی کا گہر مری خاک میں ملے گا
وہ بستیاں جو تباہیوں میں نمو کی تصویر بن گئی ہیں
وجود جن کا کہیں نہیں ہے مگر مری خاک میں ملے گا
میں چشم پر نم کی مشعلوں سے چراغ فردا جلا رہا ہوں
کہ نقش عرفان و آگہی بھی ظفرؔ مری خاک میں ملے گا
مأخذ:
Pakistani Adab (Pg. 290)
- مصنف: Dr. Rashid Amjad
-
- اشاعت: 2009
- ناشر: Pakistan Academy of Letters, Islambad, Pakistan
- سن اشاعت: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
