kisi pe aisi bhi guzre kabhi KHuda na kare

kisī pe aisī bhī guzre kabhī ḳhudā na kare

ki apne hāthoñ ko taktā rahe duā na kare

kabhī kare na koī apnī hasratoñ kā shumār

agar kare bhī to ḳhvāboñ se ibtidā na kare

hamesha rahtī ho ta.abīr kī havas jis ko

vo apnī āñkhoñ ko ḳhvāboñ se āshnā na kare

qafas to hai ye magar chain se guzartī hai

sabā se kah do ki gulshan kā tazkira na kare

charāġh bujhnā hī Thahrā to ḳhud bujhā.eñge ham

hameñ bhī zid hai ki ye faisla havā na kare

'zakā' ye dard hai us kī atā so chāragarī

vahī kare to kare koī dūsrā na kare

kisi pe aisi bhi guzre kabhi KHuda na kare

ki apne hathon ko takta rahe dua na kare

kabhi kare na koi apni hasraton ka shumar

agar kare bhi to KHwabon se ibtida na kare

hamesha rahti ho tabir ki hawas jis ko

wo apni aankhon ko KHwabon se aashna na kare

qafas to hai ye magar chain se guzarti hai

saba se kah do ki gulshan ka tazkira na kare

charagh bujhna hi Thahra to KHud bujhaenge hum

hamein bhi zid hai ki ye faisla hawa na kare

'zaka' ye dard hai us ki ata so chaaragari

wahi kare to kare koi dusra na kare