kisi qatil se na talwar se Dar lagta hai
kisī qātil se na talvār se Dar lagtā hai
aaj kyā baat hai darbār se Dar lagtā hai
ḳhud ko oḌhe hue baiThā huuñ kisī goshe meñ
har taraf shorish-e-bisyār se Dar lagtā hai
sochtā huuñ ki kahāñ Tek lagā kar baiThūñ
mujh ko ḳhud apnī hī dīvār se Dar lagtā hai
TuuT jaa.e na kisī aan tasalsul us kā
kyuuñ mujhe saañs kī takrār se Dar lagtā hai
maiñ ne qātil kā adā rol kiyā hai 'hamdam'
kyuuñ mujhe apne hī kirdār se Dar lagtā hai
kisi qatil se na talwar se Dar lagta hai
aaj kya baat hai darbar se Dar lagta hai
KHud ko oDhe hue baiTha hun kisi goshe mein
har taraf shorish-e-bisyar se Dar lagta hai
sochta hun ki kahan Tek laga kar baiThun
mujh ko KHud apni hi diwar se Dar lagta hai
TuT jae na kisi aan tasalsul us ka
kyun mujhe sans ki takrar se Dar lagta hai
main ne qatil ka ada rol kiya hai 'hamdam'
kyun mujhe apne hi kirdar se Dar lagta hai
Source:
Waraq-e-Saadah (Ghazals) (Pg. 57)
- Author: Hamdam Kashmiri
-
- Edition: 2012
- Publisher: Sayed Ameen Ashraf
- Year of Publication: 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
