kisi qimat adab se main dagha-bazi nahin karta

kisī qīmat adab se maiñ daġhā-bāzī nahīñ kartā

zamīn-e-shā'irī meñ sirf laffāzī nahīñ kartā

jo 'ālim haiñ na jaa.eñ ġhair-islāmī nikāhoñ meñ

kuchh aisā faisla hargiz koī qaazī nahīñ kartā

jo 'arz-e-hāl hai us haal se vāqif zamāna hai

isī ḳhātir bayāñ maiñ qissa-e-māzī nahīñ kartā

tamanna chhoḌ de vo rāhat-e-duniyā-o-uqbā kī

ḳhudā-e-pāk ko jo shaḳhs bhī raazī nahīñ kartā

samajh letā huuñ ai 'sajjād' pahle haqq-o-bātil ko

añdhere meñ kabhī maiñ tīr-andāzī nahīñ kartā

kisi qimat adab se main dagha-bazi nahin karta

zamin-e-sha'iri mein sirf laffazi nahin karta

jo 'alim hain na jaen ghair-islami nikahon mein

kuchh aisa faisla hargiz koi qazi nahin karta

jo 'arz-e-haal hai us haal se waqif zamana hai

isi KHatir bayan main qissa-e-mazi nahin karta

tamanna chhoD de wo rahat-e-duniya-o-uqba ki

KHuda-e-pak ko jo shaKHs bhi raazi nahin karta

samajh leta hun ai 'sajjad' pahle haqq-o-baatil ko

andhere mein kabhi main tir-andazi nahin karta