kisi se aur to kya guftugu karen dil ki

kisī se aur to kyā guftugū kareñ dil kī

ki raat sun na sake ham bhī dhaḌkaneñ dil kī

magar ye baat ḳhirad kī samajh meñ aa na sakī

visāl-o-hijr se aage haiñ manzileñ dil kī

jilau meñ ḳhvāb-numā rat-jage sajā.e hue

kahāñ kahāñ liye phirtī haiñ vahshateñ dil kī

nigāh milte hī rañg-e-hayā kī sūrat haiñ

chhalak uThīñ tire ruḳh se latāfateñ dil kī

nigāh-e-kam bhī use sañg se ziyāda hai

ki aa.ine se sivā haiñ nazākateñ dil kī

dayār-e-harf-o-navā meñ koī to aisā ho

kabhī kisī se to ham baat kar sakeñ dil kī

sar-e-jarīda-e-hastī hamāre baad 'umīd'

lahū se kaun likhegā ibārateñ dil kī

kisi se aur to kya guftugu karen dil ki

ki raat sun na sake hum bhi dhaDkanen dil ki

magar ye baat KHirad ki samajh mein aa na saki

visal-o-hijr se aage hain manzilen dil ki

jilau mein KHwab-numa rat-jage sajae hue

kahan kahan liye phirti hain wahshaten dil ki

nigah milte hi rang-e-haya ki surat hain

chhalak uThin tere ruKH se latafaten dil ki

nigah-e-kam bhi use sang se ziyaada hai

ki aaine se siwa hain nazakaten dil ki

dayar-e-harf-o-nawa mein koi to aisa ho

kabhi kisi se to hum baat kar saken dil ki

sar-e-jarida-e-hasti hamare baad 'umid'

lahu se kaun likhega ibaraten dil ki