kisi se puchhen kaun batae kis ne mahshar dekha hai
kisī se pūchheñ kaun batā.e kis ne mahshar dekhā hai
chup chup hai ā.īna jis ne saarā manzar dekhā hai
manzil manzil chal kar jab bhī aa.ī lahū meñ Duubī raat
aahaT aahaT qatl huā hai qadmoñ meñ sar dekhā hai
tū hī batā ruḳhsār pe us ke kitne til haiñ kitne daaġh
tū ne to ai dīda-e-bīnā phuul ko patthar dekhā hai
mahfil mahfil jis ke charche gulshan gulshan jai-jai-kār
ham ne usī ke haath meñ yaaro aksar ḳhanjar dekhā hai
larzāñ tarsāñ bar-sar-e-mizhgāñ ḳhuun ke aañsū haiñ 'tāriq'
sham-e-farozāñ shahr meñ le kar ḳhūnī manzar dekhā hai
kisi se puchhen kaun batae kis ne mahshar dekha hai
chup chup hai aaina jis ne sara manzar dekha hai
manzil manzil chal kar jab bhi aai lahu mein Dubi raat
aahaT aahaT qatl hua hai qadmon mein sar dekha hai
tu hi bata ruKHsar pe us ke kitne til hain kitne dagh
tu ne to ai dida-e-bina phul ko patthar dekha hai
mahfil mahfil jis ke charche gulshan gulshan jai-jai-kar
hum ne usi ke hath mein yaro aksar KHanjar dekha hai
larzan tarsan bar-sar-e-mizhgan KHun ke aansu hain 'tariq'
sham-e-farozan shahr mein le kar KHuni manzar dekha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
