kisi se raaz-e-dil kahna ye KHu ruswa karaati hai
kisī se rāz-e-dil kahnā ye ḳhū rusvā karātī hai
tirī ye baat tanhā.ī meñ paiham yaad aatī hai
ki hañs ke Tālte haiñ zikr terā koī gar chhoḌe
sabā phir bhī guzishta rātoñ ke qisse sunātī hai
na jaane saḳht kyuuñ hai dil tirā hairat sī hotī hai
talab paiġhām kī tere mujhe aksar rulātī hai
bulandī pe agar vo hai to itnī be-ruḳhī kyuuñ kar
mohabbat meñ kashish aisī jo duurī ko miTātī hai
mire barbād hone kā na kar charchā jahāñ se tū
unhīñ qissoñ se aksar bū tire hone kī aatī hai
kisi se raaz-e-dil kahna ye KHu ruswa karaati hai
teri ye baat tanhai mein paiham yaad aati hai
ki hans ke Talte hain zikr tera koi gar chhoDe
saba phir bhi guzishta raaton ke qisse sunati hai
na jaane saKHt kyun hai dil tera hairat si hoti hai
talab paigham ki tere mujhe aksar rulati hai
bulandi pe agar wo hai to itni be-ruKHi kyun kar
mohabbat mein kashish aisi jo duri ko miTati hai
mere barbaad hone ka na kar charcha jahan se tu
unhin qisson se aksar bu tere hone ki aati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
