kisi surat to dil ko shad karna

kisī sūrat to dil ko shaad karnā

hameñ dushman samajh kar yaad karnā

duā.eñ deñge chhuT kar qaidī-e-zulf

jahāñ tak ho sake āzād karnā

kahīñ vo āfrīñ aisā paḌe haath

na mujh par rahm o jallād karnā

masīhā.ī dikhānā ba.ad-e-murdan

jo dil chāhe to kuchh irshād karnā

uḌā do ḳhaak merī Thokaroñ se

agar manzūr hai barbād karnā

adab sīkhe nahīñ huuñ nau-giraftār

batā kar qā.ede bedād karnā

mazā thā bebasī kī gāliyoñ meñ

isī bhūle sabaq ko yaad karnā

bahut mushkil hai in sañgīñ-diloñ se

ḳhayāl-e-ḳhātir-e-nāshād karnā

janāza uTh chuke merā to tum bhī

adā rasm-e-mubārak-bād karnā

'nasīm'-e-ḳhasta-dil ne jaan de dī

ġhazab laayā tirā bedād karnā

kisi surat to dil ko shad karna

hamein dushman samajh kar yaad karna

duaen denge chhuT kar qaidi-e-zulf

jahan tak ho sake aazad karna

kahin wo aafrin aisa paDe hath

na mujh par rahm o jallad karna

masihai dikhana baad-e-murdan

jo dil chahe to kuchh irshad karna

uDa do KHak meri Thokaron se

agar manzur hai barbaad karna

adab sikhe nahin hun nau-giraftar

bata kar qaede bedad karna

maza tha bebasi ki galiyon mein

isi bhule sabaq ko yaad karna

bahut mushkil hai in sangin-dilon se

KHayal-e-KHatir-e-nashad karna

janaza uTh chuke mera to tum bhi

ada rasm-e-mubarak-baad karna

'nasim'-e-KHasta-dil ne jaan de di

ghazab laya tera bedad karna