kitna bhara hai dard yahan is jahan mein
kitnā bharā hai dard yahāñ is jahān meñ
aatī nahīñ hai niiñd hameñ ab thakān meñ
kaise tumhāre paas meñ aa kar ke baiThte
manzil bhī de rahī thī sadā aa ke kaan meñ
jab se gayā hai chhoḌ ke aaya na lauT kar
jaale se paḌ ga.e haiñ jī dil ke makān meñ
aise qalam kā yaar yahāñ TūTnā sahī
gaatā rahā jo giit hai taḳhtoñ kī shaan meñ
koī batā de yaar mujhe to ḳharīd luuñ
miltī hai dard-e-dil kī davā kis dukān meñ
tum ko zarā sī aaj ye shohrat jo mil ga.ī
uḌne lage ho yaar 'dharam' āsmān meñ
kitna bhara hai dard yahan is jahan mein
aati nahin hai nind hamein ab thakan mein
kaise tumhaare pas mein aa kar ke baiThte
manzil bhi de rahi thi sada aa ke kan mein
jab se gaya hai chhoD ke aaya na lauT kar
jale se paD gae hain ji dil ke makan mein
aise qalam ka yar yahan TuTna sahi
gata raha jo git hai taKHton ki shan mein
koi bata de yar mujhe to KHarid lun
milti hai dard-e-dil ki dawa kis dukan mein
tum ko zara si aaj ye shohrat jo mil gai
uDne lage ho yar 'dharam' aasman mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
