kitna hasin KHwab tha aankhon mein rah gaya

kitnā hasīn ḳhvāb thā āñkhoñ meñ rah gayā

vo chehra māhtāb thā āñkhoñ meñ rah gayā

maiñ jaise koī ḳhaar thā chubhne lagā use

vo to koī gulāb thā āñkhoñ meñ rah gayā

maiñ ne to terī marzī se bolā thā jhuuT par

jo asl meñ javāb thā āñkhoñ meñ rah gayā

lauTā diye haiñ us ne mire ḳhat vaġhaira sab

baaqī kā jo hisāb thā āñkhoñ meñ rah gayā

achchhā thā jo bhī film meñ yuuñ hī guzar gayā

vo scene jo ḳharāb thā āñkhoñ meñ rah gayā

kitna hasin KHwab tha aankhon mein rah gaya

wo chehra mahtab tha aankhon mein rah gaya

main jaise koi KHar tha chubhne laga use

wo to koi gulab tha aankhon mein rah gaya

main ne to teri marzi se bola tha jhuT par

jo asl mein jawab tha aankhon mein rah gaya

lauTa diye hain us ne mere KHat waghaira sab

baqi ka jo hisab tha aankhon mein rah gaya

achchha tha jo bhi film mein yun hi guzar gaya

wo scene jo KHarab tha aankhon mein rah gaya