kitne aKHbar-faroshon ko sahafi likkha

kitne aḳhbār-faroshoñ ko sahāfī likkhā

nā-mukammal ko bhī ḳhādim ne izāfī likkhā

tū ne bhūle se na samjhī mire jazbe kī kasak

maiñ ne barsoñ tirī āñkhoñ ko ġhilāfī likkhā

haath uThā sakte the mere bhī baġhāvat kā alam

maiñ ne har zulm ke ḳhāne maiñ muāfī likkhā

ishq kī ḳhair ho allāh ki nā-shukroñ ne

ik adhūrī sī mulāqāt ko kaafī likkhā

aap duniyā ko samajhte raheñ sāmān-e-tarab

maiñ ne sāñsoñ ko gunāhoñ kī talāfī likkhā

vo hī kartā rahā andar se malāmat mujh ko

maiñ ne jo lafz usūloñ ke munāfī likkhā

bevaqūfoñ ne mirī ābla-pā.ī kā ilaaj

hañsī aatī hai ki hamdard kī saafī likkhā

kitne aKHbar-faroshon ko sahafi likkha

na-mukammal ko bhi KHadim ne izafi likkha

tu ne bhule se na samjhi mere jazbe ki kasak

main ne barson teri aankhon ko ghilafi likkha

hath uTha sakte the mere bhi baghawat ka alam

main ne har zulm ke KHane main muafi likkha

ishq ki KHair ho allah ki na-shukron ne

ek adhuri si mulaqat ko kafi likkha

aap duniya ko samajhte rahen saman-e-tarab

main ne sanson ko gunahon ki talafi likkha

wo hi karta raha andar se malamat mujh ko

main ne jo lafz usulon ke munafi likkha

bewaqufon ne meri aabla-pai ka ilaj

hansi aati hai ki hamdard ki safi likkha