kitne asrar wahime mein hain

kitne asrār vāhime meñ haiñ

ham ki masrūf khojne meñ haiñ

ham-safar lā-makān ko pahuñchā

aur ham pahle marhale meñ haiñ

to abhī tak dikhā nahīñ hai hameñ

ham abhī tak murāqabe meñ haiñ

ye jo khiḌkī ke paar manzar hai

mas.ala us ko dekhne meñ haiñ

apnī apnī hī fikr hai sab ko

apne apne hī dā.ere meñ haiñ

vā.izā intizār kar thoḌā

shaiḳh-sāhib to mai-kade meñ haiñ

ye ḳhirad ko shikast deñge miyāñ

ye to majnūñ ke qāfile meñ haiñ

bhed jitne haiñ kā.enāt andar

ek nuqte ke silsile meñ haiñ

kitne asrar wahime mein hain

hum ki masruf khojne mein hain

ham-safar la-makan ko pahuncha

aur hum pahle marhale mein hain

to abhi tak dikha nahin hai hamein

hum abhi tak muraqabe mein hain

ye jo khiDki ke par manzar hai

masala us ko dekhne mein hain

apni apni hi fikr hai sab ko

apne apne hi daere mein hain

waiza intizar kar thoDa

shaiKH-sahib to mai-kade mein hain

ye KHirad ko shikast denge miyan

ye to majnun ke qafile mein hain

bhed jitne hain kaenat andar

ek nuqte ke silsile mein hain