kitne diip bujhte haiñ kitne diip jalte haiñ
azm-e-zindagī le kar phir bhī log chalte haiñ
kārvāñ ke chalne se kārvāñ ke rukne tak
manzileñ nahīñ yaaro rāste badalte haiñ
mauj mauj tūfāñ hai mauj mauj sāhil hai
kitne Duub jaate haiñ kitne bach nikalte haiñ
mehr-o-māh-o-anjum bhī ab asīr-e-getī haiñ
fikr-e-nau kī azmat se roz-o-shab badalte haiñ
bahr-o-bar ke siine bhī ziist ke safīne bhī
tīrgī nigalte haiñ raushnī ugalte haiñ
ik bahār aatī hai ik bahār jaatī hai
ġhunche muskurāte haiñ phuul haath malte haiñ
kitne dip bujhte hain kitne dip jalte hain
azm-e-zindagi le kar phir bhi log chalte hain
karwan ke chalne se karwan ke rukne tak
manzilen nahin yaro raste badalte hain
mauj mauj tufan hai mauj mauj sahil hai
kitne Dub jate hain kitne bach nikalte hain
mehr-o-mah-o-anjum bhi ab asir-e-geti hain
fikr-e-nau ki azmat se roz-o-shab badalte hain
bahr-o-bar ke sine bhi zist ke safine bhi
tirgi nigalte hain raushni ugalte hain
ek bahaar aati hai ek bahaar jati hai
ghunche muskuraate hain phul hath malte hain
Source:
NaqsháShumara No. 004â (Pg. E-103 B-108)
-
- Edition: April 1961
- Publisher: Kashana-e-Urdu, Karachi
- Year of Publication: 1961
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.