kitne din habs-e-musalsal mein basar hote hain

kitne din habs-e-musalsal meñ basar hote haiñ

baḌe ash.ār baḌe ġham kā samar hote haiñ

hikmat-e-vaqt bhī kartī hai atā jin ko ḳhirāj

maiñ isī soch meñ huuñ kyā vo hunar hote haiñ

mustaqil bojh na Thahrā.e sabhī ko ye zamīñ

izzat-e-ḳhāk bhī kuchh ḳhāk-basar hote haiñ

ḳhālī shāḳhoñ kā bhī hotā hai bhalā koī maqām

jo shajar chhāñv bichhā deñ vo shajar hote haiñ

ham-safar kaisī biThā jaate haiñ gard āñkhoñ meñ

jab vo be-ḳhvāb-e-safar ḳhvāb-e-safar hone haiñ

shaam kuchh achchhā nazar aatā hai bastī kā samāñ

sub.h hotī hai to hālāt digar hote haiñ

kyā huī zābta-e-nzm kī bālā-dastī

log ab qatl sar-e-rāhguzar hote haiñ

raḳhna-e-zar-talabāñ sarzanish-e-tīra-shabāñ

aise qisse to yahāñ shaam o sahar hote haiñ

kitne din habs-e-musalsal mein basar hote hain

baDe ashaar baDe gham ka samar hote hain

hikmat-e-waqt bhi karti hai ata jin ko KHiraj

main isi soch mein hun kya wo hunar hote hain

mustaqil bojh na Thahrae sabhi ko ye zamin

izzat-e-KHak bhi kuchh KHak-basar hote hain

KHali shaKHon ka bhi hota hai bhala koi maqam

jo shajar chhanw bichha den wo shajar hote hain

ham-safar kaisi biTha jate hain gard aankhon mein

jab wo be-KHwab-e-safar KHwab-e-safar hone hain

sham kuchh achchha nazar aata hai basti ka saman

subh hoti hai to haalat digar hote hain

kya hui zabta-e-nzm ki baala-dasti

log ab qatl sar-e-rahguzar hote hain

raKHna-e-zar-talaban sarzanish-e-tira-shaban

aise qisse to yahan sham o sahar hote hain