kitne hi tir KHam-e-dast-o-kaman mein honge

kitne hī tiir ḳham-e-dast-o-kamāñ meñ hoñge

jin ke sofār abhī se mirī jaañ meñ hoñge

dil hai ab ḳhāna-e-āseb-zada kī sūrat

zaḳhm rauzan isī tārīk makāñ meñ hoñge

ek ham hī nahīñ sar meñ liye saudā-e-vafā

aur bhī kitne mohabbat ke gumāñ meñ hoñge

sirf tere lab-o-ruḳh kī nahīñ tasvīr-e-chaman

mere bhī ġham ke ka.ī rañg ḳhizāñ meñ hoñge

laḌkhaḌātā huā aayā hai mizha tak aañsū

rāste kaise dil-e-dard-nishāñ meñ hoñge

bar-mahal hai tah-e-ashjār havā kā nauha

kal ke ġhunche bhī isī dasht-e-ziyāñ meñ hoñge

hai ḳhad-o-ḳhāl kā ambār yahāñ har chehra

ham vo hoñge jo na ḳhud apne gumāñ meñ hoñge

kitne hi tir KHam-e-dast-o-kaman mein honge

jin ke sofar abhi se meri jaan mein honge

dil hai ab KHana-e-aseb-zada ki surat

zaKHm rauzan isi tarik makan mein honge

ek hum hi nahin sar mein liye sauda-e-wafa

aur bhi kitne mohabbat ke guman mein honge

sirf tere lab-o-ruKH ki nahin taswir-e-chaman

mere bhi gham ke kai rang KHizan mein honge

laDkhaData hua aaya hai mizha tak aansu

raste kaise dil-e-dard-nishan mein honge

bar-mahal hai tah-e-ashjar hawa ka nauha

kal ke ghunche bhi isi dasht-e-ziyan mein honge

hai KHad-o-KHal ka ambar yahan har chehra

hum wo honge jo na KHud apne guman mein honge