kitne mein banti hai mohr aisi

kitne meñ bantī hai mohr aisī

nā-chīz ahmad-jāved-'ovaisī'

mere suḳhan meñ hai ek shai sī

āvāz itnī ḳhāmoshī aisī

kal āshiqoñ kā aate hī mazkūr

kyā kyā na bahke allāma-qaisī

is mantiqī par apnī nazar hai

min-vaj.h aisī min-vaj.h vaisī

yaañ kā na honā bhī vahm hī hai

butlān kis kā tahqīq kaisī

khultī nahīñ hai mujh par ye duniyā

dil meñ nahīñ sī āñkhoñ meñ hai sī

jitnī masāfat sar kar chukā huuñ

lagtī hai vo bhī nā-karda tai sī

sūkhā paḌā hai dariyā to kab kā

hai mauj-ḳhezī vaisī kī vaisī

ab shahr saarā ġharqāb jaano

ashkoñ meñ aa.ī ye buuñd kaisī

sāġhar milā hai sāġhar sā mujh ko

us meñ bharī hai mai koī mai sī

detā hai tark-e-duniyā kī dāvat

'jāved' kī to aisī-kī-taisī

kitne mein banti hai mohr aisi

na-chiz ahmad-jawed-'owaisi'

mere suKHan mein hai ek shai si

aawaz itni KHamoshi aisi

kal aashiqon ka aate hi mazkur

kya kya na bahke allama-qaisi

is mantiqi par apni nazar hai

min-wajh aisi min-wajh waisi

yan ka na hona bhi wahm hi hai

butlan kis ka tahqiq kaisi

khulti nahin hai mujh par ye duniya

dil mein nahin si aankhon mein hai si

jitni masafat sar kar chuka hun

lagti hai wo bhi na-karda tai si

sukha paDa hai dariya to kab ka

hai mauj-KHezi waisi ki waisi

ab shahr sara gharqab jaano

ashkon mein aai ye bund kaisi

saghar mila hai saghar sa mujh ko

us mein bhari hai mai koi mai si

deta hai tark-e-duniya ki dawat

'jawed' ki to aisi-ki-taisi