kitni raaton se ye aalam hai ki soe nahin hain

kitnī rātoñ se ye aalam hai ki so.e nahīñ haiñ

dil umaDtā hai magar ham haiñ ki ro.e nahīñ haiñ

bhiiḌ meñ rahnā to har chand ki majbūrī hai

bhiiḌ meñ rahte hue ham kahīñ kho.e nahīñ haiñ

is bayābāñ meñ koī naḳhl kahāñ baḌhtā hai

biij ham ne bhī yahī soch ke bo.e nahīñ haiñ

ab vo taqrīb bhī aa pahuñchī hai nazdīk magar

ham ne kapḌe bhī abhī Thiik se dho.e nahīñ haiñ

kitni raaton se ye aalam hai ki soe nahin hain

dil umaDta hai magar hum hain ki roe nahin hain

bhiD mein rahna to har chand ki majburi hai

bhiD mein rahte hue hum kahin khoe nahin hain

is bayaban mein koi naKHl kahan baDhta hai

bij hum ne bhi yahi soch ke boe nahin hain

ab wo taqrib bhi aa pahunchi hai nazdik magar

hum ne kapDe bhi abhi Thik se dhoe nahin hain