kitni tabiron ke munh utre paDe hain

kitnī ta.abīroñ ke muñh utre paḌe haiñ

ḳhvāb ab tak haath phailā.e khaḌe haiñ

raah meñ jo miil ke patthar gaḌe haiñ

rahnumāoñ kī tarah shashdar khaḌe haiñ

koī apne aap tak pahuñche to kaise

āgahī ke kos bhī kitne kaḌe haiñ

zindagī ham tujh se bhī laḌ kar jiyeñge

ham jo ḳhud apne hī saa.e se laḌe haiñ

dosto sar par bhī aa jaatā hai sūraj

dhuup kam hai is liye saa.e baḌe haiñ

ham ko bhī kuchh vaqt de ai jān-e-mahfil

ham ne bhī do ek afsāne gaḌhe haiñ

kitni tabiron ke munh utre paDe hain

KHwab ab tak hath phailae khaDe hain

rah mein jo mil ke patthar gaDe hain

rahnumaon ki tarah shashdar khaDe hain

koi apne aap tak pahunche to kaise

aagahi ke kos bhi kitne kaDe hain

zindagi hum tujh se bhi laD kar jiyenge

hum jo KHud apne hi sae se laDe hain

dosto sar par bhi aa jata hai suraj

dhup kam hai is liye sae baDe hain

hum ko bhi kuchh waqt de ai jaan-e-mahfil

hum ne bhi do ek afsane gaDhe hain