kitni ujlat mein miTa Dala gaya

kitnī 'ujlat meñ miTā Daalā gayā

daf'atan sab kuchh bhulā Daalā gayā

phir vahī ham haiñ vahī ġhār-e-ḳhalā

sāmne se sab haTā Daalā gayā

kuchh nahīñ baaqī rahā yādeñ talak

aag meñ sab kuchh jalā Daalā gayā

ham charāġhoñ kī madad karte rahe

aur udhar sūraj bujhā Daalā gayā

dhajjiyāñ bikhrī milīñ tā'bīr kī

ḳhvāb ko jaḌ se hilā Daalā gayā

ham ko kuchh aayā nahīñ āḳhir talak

har sabaq yuuñ to sikhā Daalā gayā

rah ga.iiñ ab bhī ka.ī bāteñ magar

yaad thā jo kuchh sunā Daalā gayā

kitni 'ujlat mein miTa Dala gaya

daf'atan sab kuchh bhula Dala gaya

phir wahi hum hain wahi ghaar-e-KHala

samne se sab haTa Dala gaya

kuchh nahin baqi raha yaaden talak

aag mein sab kuchh jala Dala gaya

hum charaghon ki madad karte rahe

aur udhar suraj bujha Dala gaya

dhajjiyan bikhri milin ta'bir ki

KHwab ko jaD se hila Dala gaya

hum ko kuchh aaya nahin aaKHir talak

har sabaq yun to sikha Dala gaya

rah gain ab bhi kai baaten magar

yaad tha jo kuchh suna Dala gaya