kiya humne jo un se kuchh KHitab aahista aahista

kiyā ham ne jo un se kuchh ḳhitāb āhista āhista

unhoñ ne bhī diyā ham ko javāb āhista āhista

tasavvur meñ vo chehra rafta rafta is tarah aa.e

ki jaise aatā hai āñkhoñ meñ ḳhvāb āhista āhista

but-e-ḳhāmosh ko jab maiñ ne chheḌā kuchh sharārat se

dikhāyā us ne bhī kuchh iztirāb āhista āhista

tavajjoh jab na dī ham ne buzurgoñ kī nasīhat par

huā apnā bhī phir ḳhāna-ḳharāb āhista āhista

vo zor-o-jabr se sab dil kī bāteñ pūchh lete haiñ

magar apnā vo dete haiñ hisāb āhista āhista

dil-e-vīrān meñ is tarah utrī raushnī 'sāhil'

ki juuñ pūrab se nikle āftāb āhista āhista

kiya hum ne jo un se kuchh KHitab aahista aahista

unhon ne bhi diya hum ko jawab aahista aahista

tasawwur mein wo chehra rafta rafta is tarah aae

ki jaise aata hai aankhon mein KHwab aahista aahista

but-e-KHamosh ko jab main ne chheDa kuchh shararat se

dikhaya us ne bhi kuchh iztirab aahista aahista

tawajjoh jab na di hum ne buzurgon ki nasihat par

hua apna bhi phir KHana-KHarab aahista aahista

wo zor-o-jabr se sab dil ki baaten puchh lete hain

magar apna wo dete hain hisab aahista aahista

dil-e-viran mein is tarah utri raushni 'sahil'

ki jun purab se nikle aaftab aahista aahista