aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

koi aabaad manzil hum jo viran dekh lete hain

Safi Lakhnavi

koi aabaad manzil hum jo viran dekh lete hain

Safi Lakhnavi

MORE BYSafi Lakhnavi

    koī ābād manzil ham jo vīrāñ dekh lete haiñ

    ba-hasrat sū-e-charḳh-e-fitna-sāmāñ dekh lete haiñ

    nazar husn āshnā Thahrī vo ḳhalvat ho ki jalvat ho

    jab āñkheñ band kiiñ tasvīr-e-jānāñ dekh lete haiñ

    shab-e-vāda hamesha se yahī māmūl hai apnā

    sahar tak rāh-e-shoḳh-e-sust-paimāñ dekh lete haiñ

    ḳhudā ne haiñ jin raushan-diloñ ko dūr-bīñ nazreñ

    savād-e-kufr meñ vo nūr-e-īmāñ dekh lete haiñ

    dil-e-betāb isrār maane sharm-e-rusvā.ī

    bachā kar sab nazreñ sū-e-jānāñ dekh lete haiñ

    vo ḳhud sar se qadam tak Duub jaate haiñ pasīne meñ

    bharī mahfil meñ jo un ko pashīmāñ dekh lete haiñ

    Tapak paḌte haiñ shabnam tarah be-iḳhtiyār aañsū

    chaman meñ jab kabhī gul-hā-e-ḳhandāñ dekh lete haiñ

    nigāh-e-nāz mastāna ye nishtar-zanī kaisī

    ba-vaqt-e-fisd ragzan bhī rag-e-jāñ dekh lete haiñ

    asīrān-e-sitam ke pāsbānoñ par haiñ tākīdeñ

    badalte haiñ jo pahrā qufl-e-zindāñ dekh lete haiñ

    'safī' rahte haiñ jaan o dil fidā karne pe āmāda

    magar us vaqt jab insāñ ko insāñ dekh lete haiñ

    koi aabaad manzil hum jo viran dekh lete hain

    ba-hasrat su-e-charKH-e-fitna-saman dekh lete hain

    nazar husn aashna Thahri wo KHalwat ho ki jalwat ho

    jab aankhen band kin taswir-e-jaanan dekh lete hain

    shab-e-wada hamesha se yahi mamul hai apna

    sahar tak rah-e-shoKH-e-sust-paiman dekh lete hain

    KHuda ne di hain jin raushan-dilon ko dur-bin nazren

    sawad-e-kufr mein wo nur-e-iman dekh lete hain

    dil-e-betab ka israr mane sharm-e-ruswai

    bacha kar sab ki nazren su-e-jaanan dekh lete hain

    wo KHud sar se qadam tak Dub jate hain pasine mein

    bhari mahfil mein jo un ko pashiman dekh lete hain

    Tapak paDte hain shabnam ki tarah be-iKHtiyar aansu

    chaman mein jab kabhi gul-ha-e-KHandan dekh lete hain

    nigah-e-naz ki mastana ye nishtar-zani kaisi

    ba-waqt-e-fisd ragzan bhi rag-e-jaan dekh lete hain

    asiran-e-sitam ke pasbanon par hain takiden

    badalte hain jo pahra qufl-e-zindan dekh lete hain

    'safi' rahte hain jaan o dil fida karne pe aamada

    magar us waqt jab insan ko insan dekh lete hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now