koi aazar ho to baqi hai abhi kaam bahut

koī aazar ho to baaqī hai abhī kaam bahut

be-ḳhad-o-ḳhāl haiñ kohsār meñ asnām bahut

un daraḳhtoñ ke muqaddar meñ bhī likh fasl-e-yaqīñ

jin kī shāḳhoñ pe hai shādābī-e-auhām bahut

zindagī tā-had-e-imkāñ hai sarāboñ kā safar

phir bhī gunjā.ish-e-īmāñ hai bahar-gām bahut

jin kī dahlīz pe ugte haiñ anā ke sūraj

un kī har sub.h pe bhārī hai mirī shaam bahut

thā azal hī se hameñ ḳhauf-e-charāġh-e-ḳhāna

go ki mushkil na thī tā'mīr-e-dar-o-bām bahut

tum mire zikr se muhtāt rahoge kab tak

kal ke aḳhbār uchhāleñge mirā naam bahut

koi aazar ho to baqi hai abhi kaam bahut

be-KHad-o-KHal hain kohsar mein asnam bahut

un daraKHton ke muqaddar mein bhi likh fasl-e-yaqin

jin ki shaKHon pe hai shadabi-e-auham bahut

zindagi ta-had-e-imkan hai sarabon ka safar

phir bhi gunjaish-e-iman hai bahar-gam bahut

jin ki dahliz pe ugte hain ana ke suraj

un ki har subh pe bhaari hai meri sham bahut

tha azal hi se hamein KHauf-e-charagh-e-KHana

go ki mushkil na thi ta'mir-e-dar-o-baam bahut

tum mere zikr se muhtat rahoge kab tak

kal ke aKHbar uchhaalenge mera nam bahut