koi achchhi si ghazal kanon mein mere ghol de
koī achchhī sī ġhazal kānoñ meñ mere ghol de
qaid-e-tanhā.ī meñ huuñ maiñ mujh ko aa kar khol de
ye tanāv jism kā baḌhne nahīñ degā tujhe
chust pairāhan meñ tū apne zarā sā jhol de
ek laḌkī jal rahī hai chilchilātī dhuup meñ
koī bādal aa ke us par apnī chhatrī khol de
raah takte jism kī majlis meñ sadiyāñ ho ga.iiñ
jhāñk kar andhe kuñ.eñ meñ ab to koī bol de
maiñ ḳharīdār-e-vafā huuñ tū giraftār-e-vafā
merī bāñhoñ meñ thiraktā jism apnā tol de
der tak banjāra kal koī sadā detā rahā
kaun hai bāzār meñ jo jins-e-dil kā mol de
jaane kab se faisla qismat kā sunñe ke liye
muntazir baiThā huuñ maiñ tū apnī muTThī khol de
sher achchhe hoñ to be-gā.e bhī mil jaatī hai daad
tū ḳhudārā lahn ke hāthoñ meñ mat kashkol de
koi achchhi si ghazal kanon mein mere ghol de
qaid-e-tanhai mein hun main mujh ko aa kar khol de
ye tanaw jism ka baDhne nahin dega tujhe
chust pairahan mein tu apne zara sa jhol de
ek laDki jal rahi hai chilchilati dhup mein
koi baadal aa ke us par apni chhatri khol de
rah takte jism ki majlis mein sadiyan ho gain
jhank kar andhe kunen mein ab to koi bol de
main KHaridar-e-wafa hun tu giraftar-e-wafa
meri banhon mein thirakta jism apna tol de
der tak banjara kal koi sada deta raha
kaun hai bazar mein jo jins-e-dil ka mol de
jaane kab se faisla qismat ka sunne ke liye
muntazir baiTha hun main tu apni muTThi khol de
sher achchhe hon to be-gae bhi mil jati hai dad
tu KHudara lahn ke hathon mein mat kashkol de
Source:
Shab Khoon(Shumara Number-054) (Pg. ebook-68 page-66)
-
- Edition: 1970
- Publisher: Aqeela Shaheen
- Year of Publication: 1970
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
