koi ajdad ke KHazane the

koī ajdād ke ḳhazāne the

dard kuchh is qadar purāne the

na nigāheñ churāo khanDar se

ye to ābād āshiyāne the

sirf iz.hār hī nahīñ kaafī

aap ko naaz bhī uThāne the

vaj.h inkār kī mire to bas

yuuñ samajh lījiye bahāne the

be-sahārā haiñ aur be-ghar bhī

rishte-nātoñ meñ jo siyāne the

ba.ad muddat ke ḳhuub soī maiñ

merā sar aur un ke shāne the

un nigāhoñ ke vaar sah na sake

teġh ke vaar jo dikhāne the

koi ajdad ke KHazane the

dard kuchh is qadar purane the

na nigahen churao khanDar se

ye to aabaad aashiyane the

sirf izhaar hi nahin kafi

aap ko naz bhi uThane the

wajh inkar ki mere to bas

yun samajh lijiye bahane the

be-sahaara hain aur be-ghar bhi

rishte-naton mein jo siyane the

baad muddat ke KHub soi main

mera sar aur un ke shane the

un nigahon ke war sah na sake

tegh ke war jo dikhane the