koi basti nai hum tum kahin aabaad karte hain

koī bastī na.ī ham tum kahīñ ābād karte haiñ

chalo aao koī rasta nayā ījād karte haiñ

samundar ho ki sahrā ho gul-o-gulzār ho chāhe

ye ham hī log haiñ jo har nagar ābād karte haiñ

yahī ḳhvāhish tumhārī hai ki tum ham se bichhaḌ jaao

to phir jaao abhī se ham tumheñ āzād karte haiñ

hameñ to aarzū ye thī qafas ko toḌ Daalo tum

magar tum ne kiyā vo hī jo sab sayyād karte haiñ

mire har lafz meñ yārab bayāñ ho haq faqat sach ho

atā dī hai qalam kī to ye bhī fariyād karte haiñ

mohabbat meñ jo haare ho to behtar hai palaT jaao

dar-o-dīvār-e-sañg-o-bām sab hī yaad karte haiñ

koi basti nai hum tum kahin aabaad karte hain

chalo aao koi rasta naya ijad karte hain

samundar ho ki sahra ho gul-o-gulzar ho chahe

ye hum hi log hain jo har nagar aabaad karte hain

yahi KHwahish tumhaari hai ki tum hum se bichhaD jao

to phir jao abhi se hum tumhein aazad karte hain

hamein to aarzu ye thi qafas ko toD Dalo tum

magar tum ne kiya wo hi jo sab sayyaad karte hain

mere har lafz mein yarab bayan ho haq faqat sach ho

ata di hai qalam ki to ye bhi fariyaad karte hain

mohabbat mein jo haare ho to behtar hai palaT jao

dar-o-diwar-e-sang-o-baam sab hi yaad karte hain