koi bhi KHush nahin hai is KHabar se
koī bhī ḳhush nahīñ hai is ḳhabar se
ki duniyā jald lauTegī safar se
maiñ sahrā meñ safīna dekhtā huuñ
samundar koī guzrā hai idhar se
sambhālo apnā harf-e-dād-o-tahsīñ
maiñ kab huuñ mutma.in arz-e-hunar se
ḳhatā hai ye javāz apnī ḳhatā kā
ḳhatā.eñ hotī rahtī haiñ bashar se
sabhoñ meñ ḳhāmiyāñ hī dekhtā hai
vo hai mahrūm kyā husn-e-nazar se
ġhazab kā aa.egā sailāb yaaro
ki guzrā hai bahut sā paanī sar se
bulandī itnī bhī achchhī nahīñ hai
utāro ab 'atā' ko daar par se
koi bhi KHush nahin hai is KHabar se
ki duniya jald lauTegi safar se
main sahra mein safina dekhta hun
samundar koi guzra hai idhar se
sambhaalo apna harf-e-dad-o-tahsin
main kab hun mutmain arz-e-hunar se
KHata hai ye jawaz apni KHata ka
KHataen hoti rahti hain bashar se
sabhon mein KHamiyan hi dekhta hai
wo hai mahrum kya husn-e-nazar se
ghazab ka aaega sailab yaro
ki guzra hai bahut sa pani sar se
bulandi itni bhi achchhi nahin hai
utaro ab 'ata' ko dar par se
Source:
Nawisht-e-Nawa (Pg. 92)
- Author: Ata Abidi
-
- Edition: 2009
- Publisher: Educational Publishing House, Delhi
- Year of Publication: 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
