koi chaudhwin-raat ka chand ban kar tumhaare tasawwur mein aaya to hoga

koī chaudhvīñ-rāt kā chāñd ban kar tumhāre tasavvur meñ aayā to hogā

kisī se to kī hogī tum ne mohabbat kisī ko gale se lagāyā to hogā

laboñ se mohabbat kā jaadū jagā ke bharī bazm meñ sab se nazreñ bachā ke

nigāhoñ ke raste se dil meñ samā ke kisī ne tumheñ bhī churāyā to hogā

tumhāre ḳhayāloñ kī añgnā.iyoñ meñ mirī yaad ke phuul mahke to hoñge

kabhī apnī āñkhoñ ke kājal se tum ne mirā naam likh kar miTāyā to hogā

kabhī aa.ine se nigāheñ milā kar jo lī hogī bharpūr añgḌā.ī tū ne

to ghabrā ke ḳhud terī añgḌā.iyoñ ne tire husn ko gudgudāyā to hogā

nigāhoñ meñ sham-e-tamannā jalā kar takī hoñgī tum ne bhī rāheñ kisī kī

kisī ne to va.ada kiyā hogā tum se kisī ne to tum ko rulāyā to hogā

judā ho gayā hogā jab koī tum se diyā hogā jab tum ko dhokā kisī ne

hamārī vafā yaad aa.ī to hogī hameñ apne nazdīk paayā to hogā

koi chaudhwin-raat ka chand ban kar tumhaare tasawwur mein aaya to hoga

kisi se to ki hogi tum ne mohabbat kisi ko gale se lagaya to hoga

labon se mohabbat ka jadu jaga ke bhari bazm mein sab se nazren bacha ke

nigahon ke raste se dil mein sama ke kisi ne tumhein bhi churaya to hoga

tumhaare KHayalon ki angnaiyon mein meri yaad ke phul mahke to honge

kabhi apni aankhon ke kajal se tum ne mera nam likh kar miTaya to hoga

kabhi aaine se nigahen mila kar jo li hogi bharpur angDai tu ne

to ghabra ke KHud teri angDaiyon ne tere husn ko gudgudaya to hoga

nigahon mein sham-e-tamanna jala kar taki hongi tum ne bhi rahen kisi ki

kisi ne to wada kiya hoga tum se kisi ne to tum ko rulaya to hoga

juda ho gaya hoga jab koi tum se diya hoga jab tum ko dhoka kisi ne

hamari wafa yaad aai to hogi hamein apne nazdik paya to hoga