koi chehra koi mahtab dikhai deta

koī chehra koī mahtāb dikhā.ī detā

niiñd aatī to koī ḳhvāb dikhā.ī detā

ḳhvāhisheñ ḳhālī ghaḌe sar pe uThā laa.ī haiñ

koī dariyā koī tālāb dikhā.ī detā

nisbat-e-husn mirā TaaT kā arzāñ sā badan

tere paivand se kamḳhāb dikhā.ī detā

Dūbne ko na samundar na koī chashm-e-siyah

aaj to jaam meñ girdāb dikhā.ī detā

phir mire paañv tale tuur kī miTTī hotī

phir mujhe jāda-e-asbāb dikhā.ī detā

is safedī phirī qabroñ ke nagar meñ mansūr

koī to zinda-o-shādāb dikhā.ī detā

koi chehra koi mahtab dikhai deta

nind aati to koi KHwab dikhai deta

KHwahishen KHali ghaDe sar pe uTha lai hain

koi dariya koi talab dikhai deta

nisbat-e-husn mera TaT ka arzan sa badan

tere paiwand se kamKHab dikhai deta

Dubne ko na samundar na koi chashm-e-siyah

aaj to jam mein girdab dikhai deta

phir mere panw tale tur ki miTTi hoti

phir mujhe jada-e-asbab dikhai deta

is safedi phiri qabron ke nagar mein mansur

koi to zinda-o-shadab dikhai deta