koi dard hai jo abhi dawa nahin ho saka

koī dard hai jo abhī davā nahīñ ho sakā

vo bichhaḌ gayā hai magar judā nahīñ ho sakā

koī hai ḳhalish jo khaTak rahī hai abhī mujhe

koī sher hai jo abhī bapā nahīñ ho sakā

vo mile agar to use kahūñ ai gulāb shaḳhs

koī tujh sā kyā tirī ḳhāk-e-pā nahīñ ho sakā

tire ba.ad phir mirī mausamoñ se banī nahīñ

tire ba.ad maiñ kabhī phir harā nahīñ ho sakā

sar-e-bazm haiñ yahī tazkire ki burā huuñ maiñ

mirā jurm hai ki maiñ bevafā nahīñ ho sakā

isī baat par mirī dostoñ se hai dushmanī

maiñ amīr-e-shahr kā ham-navā nahīñ ho sakā

kisī aur shab maiñ sunā.ūñgā ye ġhazal tumheñ

abhī aañkh nam abhī dil duā nahīñ ho sakā

tire ishq meñ koī jaañ bhī le to bhī jān-e-jāñ

maiñ yahī kahūñgā ki haq adā nahīñ ho sakā

koi dard hai jo abhi dawa nahin ho saka

wo bichhaD gaya hai magar juda nahin ho saka

koi hai KHalish jo khaTak rahi hai abhi mujhe

koi sher hai jo abhi bapa nahin ho saka

wo mile agar to use kahun ai gulab shaKHs

koi tujh sa kya teri KHak-e-pa nahin ho saka

tere baad phir meri mausamon se bani nahin

tere baad main kabhi phir hara nahin ho saka

sar-e-bazm hain yahi tazkire ki bura hun main

mera jurm hai ki main bewafa nahin ho saka

isi baat par meri doston se hai dushmani

main amir-e-shahr ka ham-nawa nahin ho saka

kisi aur shab main sunaunga ye ghazal tumhein

abhi aankh nam abhi dil dua nahin ho saka

tere ishq mein koi jaan bhi le to bhi jaan-e-jaan

main yahi kahunga ki haq ada nahin ho saka