koi gardish mein hai kya dasht se ghar tak ab bhi

koī gardish meñ hai kyā dasht se ghar tak ab bhī

ḳhaak uḌtī hai mirī hadd-e-nazar tak ab bhī

le ga.ī khīñch ke shāyad unheñ miTTī kī mahak

uḌ ke pahuñche nahīñ kuchh phuul shajar tak ab bhī

rizq ban jā.eñge kuchh der meñ tārīkī kā

mahv-e-parvāz haiñ jo shams-o-qamar tak ab bhī

apnī buniyād pe qaa.em haiñ mire hosh-o-havās

ḳhuun chaḌhtā hai mire paañv se sar tak ab bhī

jin ko paane kī tamannā hai azal se mire saath

haath pahuñchā nahīñ un barg-o-samar tak ab bhī

khul nahīñ paayā mirī ruuh pe sahrā 'sājid'

ya.anī mahdūd huuñ maiñ sair-o-safar tak ab bhī

koi gardish mein hai kya dasht se ghar tak ab bhi

KHak uDti hai meri hadd-e-nazar tak ab bhi

le gai khinch ke shayad unhen miTTi ki mahak

uD ke pahunche nahin kuchh phul shajar tak ab bhi

rizq ban jaenge kuchh der mein tariki ka

mahw-e-parwaz hain jo shams-o-qamar tak ab bhi

apni buniyaad pe qaem hain mere hosh-o-hawas

KHun chaDhta hai mere panw se sar tak ab bhi

jin ko pane ki tamanna hai azal se mere sath

hath pahuncha nahin un barg-o-samar tak ab bhi

khul nahin paya meri ruh pe sahra 'sajid'

yani mahdud hun main sair-o-safar tak ab bhi