koi hai mahw-e-aish-o-talabgar-e-zindagi

koī hai mahv-e-aish-o-talabgār-e-zindagī

koī hai shikva-sanj-o-girāñ-bār-e-zindagī

qismat kī gardishoñ se zamāne ke jaur se

hai zaar hāl-e-zār-e-gunahgār-e-zindagī

kuchh gol-mol us kī sadā chāl-Dhāl hai

ik chaal par nahīñ kabhī raftār-e-zindagī

zaḳhmī hue the paañv ki dāman ulajh gayā

mushkil hai rah ba-vādī-e-pur-ḳhār-e-zindagī

haañ ai ajal ziyāda na miTTī ḳharāb kar

zindān-e-zindagī meñ huuñ bezār-e-zindagī

tadbīr kuchh rihā.ī kī ranj-o-mehan se kar

taqdīr ne kiyā hai giraftār-e-zindagī

pinhāñ haiñ ḳhaar kisvat-e-gul meñ hazār-hā

hushyār dil-fareb hai gulzār-e-zindagī

rishta nigāh-o-fikr kā baaqī na rakh ajal

mere badan se khīñch le zunnār-e-zindagī

būdam zi-bād-o-ḳhāk-o-bahishtam havā-o-hirs

ab huuñ 'bashīr' duur zi-paikār-e-zindagī

koi hai mahw-e-aish-o-talabgar-e-zindagi

koi hai shikwa-sanj-o-giran-bar-e-zindagi

qismat ki gardishon se zamane ke jaur se

hai zar haal-e-zar-e-gunahgar-e-zindagi

kuchh gol-mol us ki sada chaal-Dhaal hai

ek chaal par nahin kabhi raftar-e-zindagi

zaKHmi hue the panw ki daman ulajh gaya

mushkil hai rah ba-wadi-e-pur-KHar-e-zindagi

han ai ajal ziyaada na miTTi KHarab kar

zindan-e-zindagi mein hun bezar-e-zindagi

tadbir kuchh rihai ki ranj-o-mehan se kar

taqdir ne kiya hai giraftar-e-zindagi

pinhan hain KHar kiswat-e-gul mein hazar-ha

hushyar dil-fareb hai gulzar-e-zindagi

rishta nigah-o-fikr ka baqi na rakh ajal

mere badan se khinch le zunnar-e-zindagi

budam zi-baad-o-KHak-o-bahishtam hawa-o-hirs

ab hun 'bashir' dur zi-paikar-e-zindagi