koi jadu jagana chahta hun

koī jaadū jagānā chāhtā huuñ

tumheñ apnā banānā chāhtā huuñ

agar ik baar tum āvāz de do

to maiñ bhī lauT aanā chāhtā huuñ

tumhāre shahr meñ Duubā hai sūraj

musāfir huuñ Thikānā chāhtā huuñ

tumhīñ ko jītne kī aarzū hai

tumhīñ se haar jaanā chāhtā huuñ

tumhāre saath is duniyā se kuchh duur

na.ī duniyā basānā chāhtā huuñ

dukhoñ se kaun duniyā meñ bachā hai

magar tum ko bachānā chāhtā huuñ

nihāyat tez haiñ dariyā kī maujeñ

magar us paar jaanā chāhtā huuñ

abhī kuchh log haiñ us paar mere

bachā kar un ko laanā chāhtā huuñ

yahīñ hāthoñ se chhūTī thī kalā.ī

yahīñ ab Duub jaanā chāhtā huuñ

lahū dene kā mausam jā chukā hai

ab apnā āb-o-dāna chāhtā huuñ

isī shīshe se jo TuuTā huā hai

maiñ ik ḳhanjar banānā chāhtā huuñ

'sanā' is mahfil-e-sher-o-suḳhan meñ

ġhazal maiñ bhī sunānā chāhtā huuñ

koi jadu jagana chahta hun

tumhein apna banana chahta hun

agar ek bar tum aawaz de do

to main bhi lauT aana chahta hun

tumhaare shahr mein Duba hai suraj

musafir hun Thikana chahta hun

tumhin ko jitne ki aarzu hai

tumhin se haar jaana chahta hun

tumhaare sath is duniya se kuchh dur

nai duniya basana chahta hun

dukhon se kaun duniya mein bacha hai

magar tum ko bachana chahta hun

nihayat tez hain dariya ki maujen

magar us par jaana chahta hun

abhi kuchh log hain us par mere

bacha kar un ko lana chahta hun

yahin hathon se chhuTi thi kalai

yahin ab Dub jaana chahta hun

lahu dene ka mausam ja chuka hai

ab apna aab-o-dana chahta hun

isi shishe se jo TuTa hua hai

main ek KHanjar banana chahta hun

'sana' is mahfil-e-sher-o-suKHan mein

ghazal main bhi sunana chahta hun